سقوط عصفور....بقلم الشاعر كريم فؤاد

**""سقوط عصفور ''''**                                    يحكى آنا.
   آنا أيه.
شابة جميلة.
    عملت ايه .
حبة شاب وحصل أي.
مره اتفقوا بحلم جميل.
يمشوا طريق . لو كان طويل.
هااا وبعدين.
فجأة الدنيا اتغير حالها.
ليه حصل أيه.
عرفت إنه مصاحب واحده.
والكلام بينهم على خير.
عملت ايه.
غيرت الانثى لعبة دورها.
قالت أنا أو هيا معاك 
فرصه تفكر لو كداب.
وحصل إيه.
رد وقال صبرآ يا حبيبي.
أنا عصفورى اللى بيحكيلى.
راح اناديه يقعد وياك.
وهيحكيلك باللى في قلبى.
بس ياريت تسمع لنداه.
هااا وبعدين.
العصفور بدء حكاويه عن صاحبه وقال شكاويه.
قال بيحبك فعلاً مخلص.
بس لو تسمعى غناويه.
وحصل إيه.
ردت قالت دا المتوقع من عصفور عاش على حكاويه.
أنا هعطيه فرصة عشان خاطرك
علشان حلو كلامك عنه.
وابقى مكنش جانيه عليه.
بس تعالى هقولك سر.
ومادام أنت فيك من سر.
تحكم أنت ساعتها عليه.
شوف بعيونى اللى هتحكيلك تعرف قلبي المجني عليه.
شاف عيون أجمل إنسانه.
والدموع غرقت في عنيه.
وقتها   راح كان  يغمى عليه.
العصفور حب الاموره والاشواق بانت بجفونه.
مسكين بس هيعمل ايه .
هااا وبعدين.
قرر يبعد عنهم خالص.
وصاحبه راح يسأل عليه.
يا عصفورى هنعمل ايه.
رد وقال أنا مش وياكم.
وابعد يلا ياريت انساكم.
صاحبه أستغرب من عصفوره.
واللى كان حامل مراسيله.
لكن هما فضلوا وراه.          ..   معه ..
والعصفور داب في المحبوبه.
بس كانت اخدت قرار مش هترجع للمحبوب.
العصفور قال يبقى خلاص مفيش.
مانع أنى اقول.
ردت هيا عليه على طول.
قصدك ايه أنتا يا عصفور.
هااااااا وبعدين.
رد وقال أنا عايز اقول.
شئ جوايا مش معقول.
قول بسرعه أنت يا عصفور.
أنا بحكيلك عنى يوماتى.      ..... تتحدث معه كل يوم......
وأنت ليه دايما خجول.
رد عليا يا مخبول.
وحصل إيه.
رد وقال أنى حبيتك والوصف كان
غير معقول.
وبعادى عنك كان للعاجز فعلاً شئ
مش قادر أقول.
ضحكت ضحكه مليها أمان.
وقالت موافقة بس بشرط.
تحكى لصاحبك على اللى باليك.
روح وقول أن العصفور.
طار على عش الصاحب فيك.
قال راح اقول لكل الدنيا.
بس تكونى راضيه عليا.
هاااااا وبعدين.
ولا قبلين .
العصفور طبعاً كان حائر بين الصاحب والمحبوب.
حس بأن الخدعه كبيرة.
والحكايات طلعت ملعوب.
كانت  عايزه تقول لحبيبها.
إننا ممكن أحب وادوب.
واتفرقوا على الطرقات.
الحبيب راح على صديقته.
والمحبوبة بقت سراب.
والعصفور انكسر جناحه .
من طيرانه على الاموره.
والاموره طريقها بعيد .
والأبواب عندها حديد.
قال راح احكي لكل الناس.
إن الحب أساسه سراب.
والايام يمكن تداوينى.
أصل ده كاس على دنيا دواير.
يمكن اشوفها في دنيا سراب
كلمات .. كريم فؤاد