لو بأيدي ريشة ومداد...بقلم الشاعر محمد صادق ندا
....................
لو بإيدي ريشةومداد
حأرسم خطوط
البعاد
متفرقة
واوصل خطوط اللقا
وارسمها حلوة
مزوقة
وللهجر حأعمل محكمة
وأرسمله حبل
ومشنقة
لو بإيدي ريشة ومداد
ح ارسم لي قلب
من غير سهاد
من غير سهر
وارسم هوايا
علي هوايا
وأسكن قمر
واعشق قمر
لو بإيدي ريشة ومداد
ح ارسم بلاد
غير البلاد
من غير فواصل
من غير حدود
كله شباب
من غير جدود
ومية تجري
من غير سدود
وارسم عيون
مفيهاش حسود
لو بإيدي ريشة ومداد
ح ارسم نهاية
للعناد
وأنقش خطوط
الوداد
وارسم سلاح
من غير زناد
من غير بارود
كل ذخيرته
باقات ورود
وارسم شعوب
صاينة العهود
مفيهاش صهاينة
مفيهاش يهود
كلام ف سرك
لو سمعوني البعاد
ح يصادروا ريشتي
والمداد
.......................
بقلم /محمد صادق ندا
تعليقات
إرسال تعليق