جدي الختيار...بقلم الشاعر عماد الدين سليمان
لما الشتوية بتطل
بتذكر جدي الختيار
ماكان يعبي مازوت
ولا يتبهدل بالشحوار
كان يقصقص شيح وتين
ويعبي أرضية الدار
ويجيب السفسوف حمال
ويحملهم ع الحمار
ماكان بحاجة بنزين
ومايفكر لو سعرو طار
كان يكفي لتر الكاز
شي جمعة وأكتر بنهار
جدي ماعندو راتب
وأكلاتو من حول الدار
كوسا وبندورة بعلية
وبالشتوية عالدردار
كان يمون عنب وتين
ويعبي الخالية زبيب
بتكفينا لآذار
ماكان بيعرف هالموز
ولا الكيوي ومتلا الخيار
ولا بيعرف شو الأركيلة
كانت عيبة ياحضّار
دخانو بلدي ممتاز
مابيفكر بالأسعار
ولابيعرف شو هوي الين
ولا بيتعامل بالدولار
كان عندو صندوق كبير
من لندن يسمع أخبار
وكانت لحكومة رجال
بتحط بإيدا الأسعار
وماكانو الشبيحة كتار
ولا في وزرا من التجار
لك الله يستر ياستار
بيجوز الجايي أكبر
عمادالدين سليمان
تعليقات
إرسال تعليق