رباعيات الأمل...بقلم الشاعر منصور أبو عبدالله
باب الامل مفتوح يلا خبط
وان قابلك هم اوعى تتلخبط
وان جات عليك يوم الدنيا
عافر معاها وكمان استعبط
وعجبى
كل الدنيا على دا الحال
وصدق اللى قبلينا قال
دوام الحال من المحال
افهم واوعى يا خال
وعجبى
خلى باب الامل موارب
ومتزعلشى ابدا من القرايب
دا زمنا زمن العجايب
انصح الناس بقى خايب
وعجبى
لو الامل فيك موجود
مش حتوقفك فى الدنياحدود
واى طريق مهما كان مسدود
يتفتح بامر ربك المعبود
وعجبى
حكمه وخدها منى يا ابن عمى
انا اللى زمانى قهرنى
وعشت ادادى فيه
بالامل عمره ما حد غلبنى
وعجبى
خليك قدامه مسيره يفتح
دا بعد الضيق يجى البراح
وكل اللى يتعب نهرده بكر ه يرتاح
دا ربك سمى نفسه كريم فتاح
وعجبى
منصور أبو عبدالله.........
تعليقات
إرسال تعليق