الدنيا وقفت م الزعل...بقلم الشاعر محمد المصري
ومن السكوت
أنفاس بتشبه للهوا
وأخرها موت
والدنيا زى جناح مكسور ومتغير
صوت الوجع ماليه
والحضن لسه صغير
البرد مالى الأوضة
وأنفاسنا مكتومة
اعرف لى صاحب فى مرة اتغير
راح هناك عندهم سألوه
ما أفادشى معلومة
قالوا له نفسك في إيه
قال أضحك ضحكة كبيرة
تأخدنى وأسبق خطوتى
قبل الرحلة الأخيرة
وامشى وأملا الكون وسط البشر
وأشرب فى كوب الشاى ومعاه تعميرة
أو أروح لغير البلد وأجدد السيرة
أوأشوف لىحبة ولاد بيلعبوا الكورة
أو أروح لفين ولفين انام وما أرجعشي
يضحكلي قلب هناك ويقولى مااحلمشى
وأخد مشوار طويل من اول السكة
أنا قلبى رفرف ليه من اول التكة
لو عشمانين بيا أنا زمنى راح ولى
قلبى كبر سنة..ناموا خلاص كنوا
روحوا ياخلق الله ده كل شئ منه
روحوا وناموا خايفين..الدنيا فيها الدين
واللى بعد مرة ملحقشي ولا مرة
وقف أول دور لسع مافاتشى السور
خايف يخش ينام.. ويموت وغصب عنه
يرجع لاول دور..
الشاعر محمد المصرى
تعليقات
إرسال تعليق