مصر العشق الأكبر.. بقلم الشاعر محمد أبو الحسن
بقلم محمدابوالحسن
مصر هيًّه العشق الأكبر
كل مادُونها
فى عينى بيصغر
مصر هيًّه النيل والأزهر
مصر كِنانه تاريخها
مسيطر
هيه المحروسه
والله أكبر
دى أم الدنيا بجد وأكثر
إللى يعاديها أوبس يفكًّر
أو حتى لهواها يعكَّر
يبقى ياويله
ياسواد ليله
وشيطانه عليه متأمَّر
ومش هنقول جٌند
وعسكر
بس هواها لوحده كفايه
يحرق أى عدٌو بيتشطَّر
مصر حلم لكل العالم
وحضاره وآثار ومعالِم
وإللى يزورها بيرجع
غانِم
وبيحكى لصحابه وناسُه
على سِحر بلدنا إللى
يحيَّر
يلَّه يامصرى
قوم واعرف بلدك
داالعالم بتاريخها سبقك
ولو حاورتٌه
فى علمُه بيها
هتلاقيه بالحجه غلبك
عار علينا نعيش عليها
ونبقى جهله بكنوز
ماضيها
إرجع لأصلك وخاف
عليها
واحمد ربك
علشان عليها سوَّاك
وخلقك
وان كان حاضرها
خالِف ماضيها
وقلوبنا تعبت
من الخوف عليها
دا مش مُبرٍر للِى يعاديها
لوغِلطت أُمّك
تدُوس عليها:؟:
تعليقات
إرسال تعليق