طيب خاطري...بقلم الشاعر د.عمر أحمد
وكسر گلبي غيابك كسرت الجره
بعدني اتأملك تنطيني بوسة عيد
واكحل عيوني منك حتى لو نظره
صار اسنين وانه مناطرك خلصان
وصرت مشهور مثل محمد الدره
يوميه شماته مگابله الباب
وتصيح بصوت عالي كتبه لو طره
واگلهم احلى كتبه واحلى ذيج ايام
حبيبي يصوني وما ينكر العشره
حبي ويا حب الگاع للفلاح
حب مابي دغش مزروع عالفطره
حب الليل حب معانگ النجمات
حب شايل جمال ملوحة البصره
تعال اجروحي بسمك عالي صيح
يالبعدك عذاب وغيبتك جمره
انه متانيك شايل حفنة اسنين
واطشهن ورد بس لعيونك الخضره
بقلمي الشاعر د عمر أحمد
7 / 1 / 2020
تعليقات
إرسال تعليق