شالوا الضمير...بقلم الشاعر حسن سعد

شالوا الضمير
،،،،،،،،،،،،،،،،،،،،،

لما أشوف وطنى غرقان فى الفتن
وبيتحرق

لما أشوف الطفل هربان من الجحيم
على الشاطئ غرق

لما أشوف أخويا فى الوطـن عـنى 
بيفترق

لما أشوف حلمي إللى كنت بَحْلَمُه
النهارده بيتسرق

لما اشوف العالم بيشمت فى وطنى
إللى بيتحرق

يبقي عملوا للعالم جراحه وشالوا 
الضمير

،،،،،،،،،،،،،،،،،،،،،،،،،،،،،،،،،،،،،،،،،،،، 

لما اشوف صاحب الأرض الحقيقى
أسير

دنس تراب الوطن غاصب جبان
 شرير

لما اشوف وطنى بيتقسم وانا ساكت
دا امر خطير

عار السكوت كنا اسود فى الحرب
ليها زئير

لم أشوف الظلم اصبح مباح والقتل
والتطهير

يبقي عملوا للعالم جراحه وشالوا 
الضمير
،،،،،،،،،،،،،،،،،،،،،،،،،،،،،،،،،،،،،،،،
كلماتى
مهندس حسن سعد