وهو لسه في ليلة سبوعه...بقلم الشاعر محمد صادق ندا

وهو لسة في ليلة سبوعه
صبح عريس
البلد
يوم ستة من أكتوبر
النصر فيه
إتولد
مابين رحمة ربنا
وغفرانه
وف عز عز الصيام
وف كبدة
نهاره
نزلت جنود ربنا
في حتة من أرضنا
تمحي ظلام الهزيمة
وتغسلنا من
عاره
حل الدمار ع العدو
وحصونه
وجيشنا الهمام
يحميه ربنا
ويصونه
خد بتار البلد
يوم ستة من أكتوبر
النصر فيه
إتولد

يسلم سواد جبين البطل
ابو قلب بفتاوى
راسم طريق الأمل
وكان معداوى
سيد سادات العرب
وأنور الأنوار
ف الحرب كان أسد
ف السلم كان
مغوار
وف ستة من أكتوبر
كان هلاله بدر
وف ذكرى يوم فرحته
يغتاله رصاص
 الغدر
جوه التاريخ مرسوم
ومتصور
سيد سادات العرب
في الجنة ياانور
في الجنة ياانور
.............
بقلم /محمد صادق ندا
مصر