مصر اللي محدش يعرفها ...بقلم الشاعر هاني صابر أحمد السوهاجي

مصر اللى محدش يعرفها.....
...............................
مصر الألم والقلم والتوهة ندهاها
مصر الجراح والندم والفرقة والأهة
مصر الغريبة القريبة الحلوة فى سماها
مصر الكريم الأله فى كتابه سمّاها

           وأزاي أنا أقدر أوصفها.

 مصر.. السفر والقمر والصُحبة واللّمة
مصر العشّم والأصول والعِشرة والذّمة
مصر..الشموخ والحضارة وصاحبة الهمّة
مصر اللى داق نهرها أستفتح وسمي

       واحد على كام من أوصافها

 مصر القديمة الملايّة اللّف والمنديل
مصر الطرب والنغم فواحة المواويل
مصر الشفا والعفا وطبّ كل عليل
مصر اللى قال جندها الدنيا ليا دليل

         ربك فى كتابه شرّفها

 مصر العروبة العبور البادى كان أظلم
مصر السلام والأمان والأم لو ترحم
مصر الكريمة فى عيشها وملحها تقّسم
مصر اللى شاف زُهدها وحّد وقام أسلم

     لوعينى نسيت كفاية القلب يعرفها.

 هانى صابر أحمد......السوهاجى
٢٠١٩/١٠/١

تعليقات

إرسال تعليق

المشاركات الشائعة