جزيرة الأقزام...بقلم الشاعر محمود طنطاوي

جزيرة الاقزام
فى جزيرة الاوهام * اكتشفوا كنز عظيم
اجتمعت الاقزام * على امر جد خطير
هنعمل ايه بالمال * واحنا يدوب نفرين
وجزيره الاوهام * وسط الجيران شبرين
وتلاقت الافكار * مع حلم غول مكار
قرونه واصله السما * وعنده جيش جرار
وقال خلاص كنزكم * بجيوشى انا احميه
والمشكله فى حجمكم * تقسيمه راح تكفيه
تقسيم بلاد العرب * ويكون لكم حته
سيبونى ارسم لكم * واعملى كام خطه
طول ما انتوا جنب اسود * هيبان بانك قزم
شويه قلة ادب * اشعات ولو باكدب
لا يبقوا هم اسود * ولا انت تفضل قرد
واترسمت الاحلام * فى جزيرة الاوهام
واتبدل المرحوم * بالعجل ابو تمام
عشان تهين العرب * محتاجه شخص جبان
ودى خطه كات م الغول * بمسانده م الاعلام
تهد اى جيوش * وتلمع الاقزام
بالكذب والتدليس * والنصره للاخوان
خلوا الشعوب تحلم * بربيع لكن كداب
ربيع مفهش زهور * ويفرق الاصحاب
صرفوا كتير وقليل * والكنز ما بيخلصش
وبلاد بقت تنهار * والقرد ما بيهمدش
القرد يفضل قرد * لو رسعوه بالماس
يفضل قليل الشان * وبالحزاء ينداس
لكن اسود الدار * كات واعيه للخطه
عزلوا القرود فى جزيره * مبقاش خلاص سكه
محفوظه ارض الحرم * وارض أل زايد
محفوظه يابحرين * ولا حد حيزايد
على مصر ظهر العرب * ام الكرم زايد
بقلمى *** محمود طنطاوى