يا ناكر فضل ربي عليك ...بقلم الشاعر هاني الشاعر
ياناكر فضل ربي عليك
وبتقول أن حظى قليل
تعالي أنظر وشوف بعنيك
كريم ربك أوى يا بخيل
بتحزن لو تضيع فرصة
وغيرك عمره كله ضياع
ولو نملة فى يوم قارصة
تسب وتلعن.....الأوجاع
تعالي هنا.... وشوف الناس
مليانة بعلل........وكروب
وأقولك أيه مفيش أحساس
ياعايش دنيتك فى حروب
مفيش أجمل من الراحة
بقلب نضيف وبال مرتاح
وعيشها...بنفس مرتاحة
كفاية بقي هموم وجراح
وقول يارب أنا.....عبدك
وكل ماعندى.....ده خيرك
منايا يارب أنا.......سترك
مليش فى الدنيا دى غيرك
هانى الشاعر...
كل الشكر والتقدير لمن ساهم
ردحذففى نشر كلماتى المتواضعة..