حزن أوراق الشجر...بقلم الشاعر محمد صادق ندا

حزن أوراق الشجر
..................
طاهرة ومتوضية
بدموعى
ومغلبة الفكر ف
ربوعي
لبستي توب الفرح
مقلوب
ومتحجبة بحزن أوراق
الشجر
وف لون عنيكي إنكتب
مكتوب عليكى
السفر
والتذكرة
دبلة ف ايديكي
اليمين
والخدود الدبلانين
والعينين 
الحزنانين
تأشيرة خروجك
م البلد
الحزن جوايا 
اتولد
حتي شعرك
كان ضفيرة
واتفرد
ع الحيطة ميل
واتسند
والحزن خيم ع
البلد
صمتك بيزعق
جوايا
وصوتي ساكت م
الوجع
ف عنيكي شايف
منايا
و ف قلبي حاسس
بالفزع
لملمي توبك
لملمي
وبفرع حزن
اتحزمي
دي الشمس هربت
مننا
والليل بيبكي
بدمعنا
حتي السكوت
ملنا
ملنا
............
بقلم /محمد صادق ندا
مصر