عشتي يامصر...بقلم الشاعر وحيد محروس

عشتي يامصر  (  وطني )
عشتي يامصر وعاشوا شبابك
عدوا بيكي بحور الصعب
كتبوا أساميهم علي بابك
واليوم بيبنوا إرادة شعب
عشتي يامصر فتية أبية
بسواعد أبطال شجعان
من رب العالمين محمية
مذكور إسمك في القرآن
علشانك أنا أضحي بدمي
ولا يوم عمري أخاف الموت
لجل ماتعلي وتعلي ياأمي
وتعيشي رافعةالراس والصوت
ماانتي أبويا وخالي وعمي
وحبك ساكن جوا القلب
عشتي يامصر وعاشواشبابك
عدوا بيكي بحور الصعب
كتبوا أساميهم علي بابك
واليوم بيبنوا إرادة شعب
علمتي العالم والدنيا
بحضارة بناها الأجداد
مجروحة عشان أختك سوريا
من حاكم طبعه العناد 
بكرة لسان الحق يتكلم
وتلف الدايرة وتدور
ظالم نفسه وشعبه إتألم
لازم هيجي عليه الدور
إوعي ياشعب في يوم تستسلم
وإحنا معاك علي نفس الدرب
عشتي يامصر وعاشوا شبابك
عدوا بيكي بحور الصعب 
كتبوا أساميهم علي بابك
واليوم بيبنوا إرادة شعب
صحي العالم من حواليكي
مازرعك من نفس الطين
وإمسحي دمع الناس بإديكي
وإبكي عشان أرض فلسطين
في ناس تعبانة وناس بتموت
لجل مابتدافع عن أرض
وناس مخنوق جواها الصوت
خايفة يهون ويضيع العرض
إقفي يامصر وهزي العالم
دا إللي بيحصل ذل ورعب
عستي يامصر وعاشوا شبابك
عدوا بيكي بحور الصعب
كتبوا أساميهم علي بابك
واليوم بيبنوا إرادة شعب

بقلمي/ الشاعر وحيد محروس